حاجة عجيبة غريبة مريبة، الشيخ ولا القس يقلك صلي صوم اعمل خير قرب من ربنا وماله أهو الواحد يعيش حياة كويسة بدل متبقي حياته كئيبة، يقلك لازم تشارك في وطنك ويبقالك صوت .. كويس يبقي قلبه عليك وعلي البلد، يقلك روح يا ابني شارك في الاستفتاء عادي وماله دعوة ليك انك تتغير عشان البلد كلها تتغير..
عارف لو قالك روح الاستفتاء وقول (لا) او يقلك قول (نعم) ..عادي بس مش عادي قوي الا اذا كان من منطلق انه بيقول رايه او بيفهم الي مش فاهم .. مع اني مش بالعها برضو بس تمشي...
لكن العجيب والغريب والمريب ان يجيلك واحد يقلك ان التصويت علي التعديلات والموافقة عليها واجب شرعي !! الهي يصوتوا عليك في شارعي .. لا وكمان بفتوي :)..
واجب شرعي انك تصوت وتوافق !! وسعت دي، يعني نطلع من نقرة الحكومة الي كانت بتزور النتائج نقع في دحديرة الي بيشتغلونا بالدين ..
انت مالك .. كل واحد حر يصوت بنعم، يصوت بلا، يطلع البلاكونه يصوت، ميصوتش خالص هو حر ...
"طز في مصر.. وأبو مصر.. واللي في مصر..."، مش انا الي بقول كدا دور وشوف مين قال، بعد متعرف خد نفس عميق وركز ...
قبل كدا :
"طز في مصر، وأبو مصر، واللي في مصر" .. انت من اللي في مصر --> 1
دلوقت :
لازم تصوت بنعم .. اللي هو انت برضو --> 2
من 1 و 2 هتلاقية بيقلك:
"صوت بنعم .. وطز فيك"
 |
"صوت بنعم .. وطز فيك" |
* تحديث 16 مارس 2011
 |
| وفي الجرايد كمان |
0 تعليقات: